1.
Ngalan Mo’y aming dinarangal;
sa harap Mo Poon nagpupugay!
Sa lupa, lahat nagtatanghal,
sa langit pagsamba sa ’Yo’y alay;
ang sakop Mo’y walang hanggan,
kaharian Mo’y di papanaw.
2.
Awit sa langit ay ’Yong dinggin
Koro ng Angheles umaawit;
Kerubim at Serapim,
nagpupuri sa ’Yong walang tigil;
Langit ay tigib ng awitan:
Santo, Santong Panginoon.
3.
O masdan mga Apostoles
pagsamba sa Banal Mong Pangalan;
awitan ng mga Propetas,
kasunod Martires umaawit;
pagsikat, paglubog ng araw
sa Simbahan himig pakinggan.
4.
O Banal na Ama at Anak,
’Spiritu, Banal na Santatlo.
Iisang Diyos, Tatlong Persona.
Diyos na aming pinanananligan;
naninikluhod, sumasamba
sa harap ng ’Yong hiwaga.
5.
Kristong Haring maluwalhati;
Diyos Anak, na ni’lwa’l ni Maria.
Nagdusa sa ’ting kasalanan,
sinaklaw na pati ang libingan:
ginapi ang kamatayan
kalangitan sa ’ti’y binuksan.
6.
Sa makalangit na tahanan,
papanaog, tayo’y huhukuman
sangkatauhan babalikan
sa huling araw ang kawakasan
ang tinig Mo sa sandaigdigan
yayanig sa sansinukuban.
7.
Poon yaring aming dalangin
pagtubos ang saklolo sa amin.
Ang Dugong Mahal Mo’y dumanak
naligtas kami sa kasamaan.
Dulot Mo ay kapahingahan
ang l’walhati ng pinagpala.
8.
Poon, tanging aming dalangin
ilayo sa mga hilahil.
H’wag tulutang anumang bahid
ng sala sa amin ay kumapit.
Ang tiwala sa ’Yo’y tigni
H’wag bawiin ang ’Yong pagkasi.
No comments:
Post a Comment