Ang Panginoon Ang Aking Pastol (Ramirez) Lyrics

 Ang Panginoon Ang Aking Pastol

Titik: Danilo B. Isidro, SJ

Musika: Felipe Fruto Ll. Ramirez, SJ

Koro:

Ang Panginoon ang aking pastol,

Pinagiginhawa akong lubos.

Berso 1:

Handog N'yang himlaya'y sariwang pastulan,

Ang pahingahan ko'y payapang batisan.

Hatid sa kaluluwa ay kaginhawaan;

Sa tumpak na landas, Siya ang patnubay.

Berso 2:

Madilim na lambak man ang tatahakin ko,

Wala akong sindak, Siya'y kasama ko.

Ang hawak N'yang tungkod ang Siyang gabay ko,

Tangan N'yang pamalo, sigla't tanggulan ko.

Berso 3:

Inihahandog Niya sa akin ang 'sang dulang.

Maging sa harap man ng aking kaaway;

Kasiyahan Niyang ulo ko'y langisan,

Saro ko'y punuin hanggang sa umaapaw.

Berso 4:

Kagandahang-loob, pawang kabutihan.

Ang tanging kasunod ng buhay kong taglay.

Doon sa tahanan ng Poong Maykapal,

Nais kong manahan magpakailanman.

MAGALAK (EKSULTET) - GBoi Samonte - Lyrics

 MAGALAK (EKSULTET)
Ang Pagpapahayag ng Muling Pagkabuhay ni Hesukristo

Musika: Rdo. P. Ronald "GBoi" A. Samonte
Transkripsiyon: Ral Paguergan
San Carlos Seminary, Makati City

(Koro)
Magalak kayong lahat sa kalangitan, kayong mga anghel ay mangag-awitan.
Magalak kayong lahat na mapapalad na nilikha na nakapaligid sa luklukang dakila!

1. Si Kristo na aming Hari ay nabuhay na mag-uli.
Hipan natin ang tambuli nitong ating kaligtasan.
Magalak o sanlibutan sa maningning nating ilaw!
Si Kristo na walang maliw ang pumatay sa dilim.

Magalak nang lubos ang buong sambayanan sa kaluwalhatian, lahat tayo’y magdiwang,
Sa ningning ni Hesukristo sumagip sa sansinukob, S’ya’y muling nabuhay tunay na Manunubos!

2. Itaas sa kalangitan ating puso at isipan, D’yos Ama’y pasalamatan sa Anak Niyang nabuhay.
Sapagkat tapat S’yang tunay sa Kanyang pananagutan para sa kinabilangan Niya na sambayanan.

(Koro)
Magalak kayong lahat sa kalangitan, kayong mga anghel ay mangag-awitan.
Magalak kayong lahat na mapapalad na nilikha na nakapaligid sa luklukang dakila!

3. Ngayon nga ang Kapistahan ni Hesukristong nag-alay ng Kanyang sariling buhay, nagtiis ng kamatayan.
Ang minanang kasalanan, ang dating kaalipina’y sa tubig pawang naparam, kalayaa’y nakamtan!

Magalak nang lubos ang buong sambayanan sa kaluwalhatian, lahat tayo’y magdiwang,
Sa ningning ni Hesukristo sumagip sa sansinukob, S’ya’y muling nabuhay tunay na Manunubos!

4. Ngayon nga ang pagdiriwang ng ating muling pagsilang sa tubig ng kaligtasan na batis ng kabanalan,
Pagkat mula sa libingan bumangon na matagumpay Mesiyas ng sanlibutan si Hesus nating mahal!

(Koro)
Magalak kayong lahat sa kalangitan, kayong mga anghel ay mangag-awitan.
Magalak kayong lahat na mapapalad na nilikha na nakapaligid sa luklukang dakila!

5. D’yos Ama ng sanlibutan tunay na walang kapantay pag-ibig mo’t katapatan para sa mga hinirang.
Handog mo’y kapatawaran sa lahat ng kasalanan, higit sa lahat mong alay si Hesus nating mahal!

Magalak nang lubos ang buong sambayanan sa kaluwalhatian, lahat tayo’y magdiwang,
Sa ningning ni Hesukristo sumagip sa sansinukob, S’ya’y muling nabuhay tunay na Manunubos!

6. Dahil sa kaligayahang sa ami’y nag-uumapaw, hain namin itong ilaw sagisag ng pagkabuhay.
Tunay na Kaliwanagang hatid ni Hesus na Tanglaw, ang dilim ng kamatayan ay napawi’t naparam!

(Koro)
Magalak kayong lahat sa kalangitan, kayong mga anghel ay mangag-awitan.
Magalak kayong lahat na mapapalad na nilikha na nakapaligid sa luklukang dakila!

7. Ang Araw ng Kaligtasan si Hesus, bukang-liwayway, walang maliw na patnubay sa landas ng kaligtasan.
Hatid N’ya’y kapayapaan, lakas Mo at pagmamahal upang aming magampanan aming pananagutan!

(Koro)
Magalak kayong lahat sa kalangitan, kayong mga anghel ay mangag-awitan.
Magalak kayong lahat na mapapalad na nilikha na nakapaligid sa luklukang dakila!

(Pagtatapos)
Magalak nang lubos ang buong sambayanan sa kaluwalhatian, lahat tayo’y magdiwang,
Sa ningning ni Hesukristo sumagip sa sansinukob, S’ya’y muling nabuhay tunay na Manunubos!
S’ya’y muling nabuhay tunay na Manunubos!
S’ya’y muling nabuhay tunay na Manunubos!

----

Krus ng Ating Kaligtasan (Consolacion) Lyrics

 Krus ng Ating Kaligtasan
Titik ni Dhong S. Zamora
Musika ni Alejandro D. Consolacion II

Krus na ating kaligtasan
Dapat nating ikarangal
Sagisag ng kalayaan
at ng muling pagkabuhay
ni Hesus na ating mahal

Krus na kay ganda,
Krus ng pagdurusa
Kahoy ng hapis, ating itanghal,
kahoy na lubhang mahal

Krus na kay banal,
Krus sa araw-araw,
Ang daan tungo sa Panginoon,
Manunubos ko'y Poon

Sa Kalis ng Pagbabasbas Lyrics

 
Sa kalis ng pagbabasbas, si Kristo ang tinatanggap
Sa kalis ng pagbabasbas, si Kristo ang tinatanggap
Anong aking ihahandog sa aking Panginoon
Sa Dulot Niyang kabutihan nasa akin ay kaloob?
Inumin ng kaligtasan, aking itataas.
Bilang aking pagkilala sa ginawang pagliligtas!
Sa kalis ng pagbabasbas, si Kristo ang tinatanggap.
Sa kalis ng pagbabasbas, si Kristo ang tinatanggap
Lahat ng taong papanaw, Kanyang minamahal,
Kahit ito ay nagiisa, labis Siyang nagdaramdam.
Alipin Mo ako, aking Panginoon,
Pagkat ako'y kinalinga Mo, iniligtas at tinubos!
Sa kalis ng pagbabasbas, si Kristo ang tinatanggap.
Sa kalis ng pagbabasbas, si Kristo ang tinatanggap
Ako'y maghahandog, pasasalamat sa Iyo.
Sasambitin tatawagin ang ngalan Mong dakila't totoo.
Pangako sa Iyo,
Lagi kong tutupdin sa harapan ng Iyong bayan ay aking gagawin
Sa kalis ng pagbabasbas, si Kristo ang tinatanggap
Sa kalis ng pagbabasbas, si Kristo ang tinatanggap
Si Kristo ang tinatanggap!

Why We Sing Lyrics

 
«Why we sing»
music: Greg Gilpin

A sound of hope, a sound of peace,
a sound that celebrates 
and speaks what we believe.
A sound of love, a sound so strong,
it’s amazing what is given 
when we share a song …

This is why we sing, 
why we lift our voice,
why we stand as one in harmony!
This is why we sing, 
why we lift our voice,
take my hand and sing with me!

Sooth a soal, mend a heart, 
bring together lives
that have been torn apart.
Share the joy, find a friend,
it’s a never – ending gift 
that circles back again.

This is why we sing, why we lift our voice,
why we stand as one in harmony!
This is why we sing, why we lift our voice,
take my hand and sing with me!

Music builds a bridge, it can tear down a wall!
Music is a language, that can speak to one and all!

This is why we sing, why we lift our voice,
why we stand as one in harmony!
This is why we sing, why we lift our voice,
take my hand and sing with me!
This is why we sing, we sing, WE SING!

Umawit at Magpuri (Antonio) Lyrics

 [CHORUS]
Halina tayong lahat ay umawit
Sa Panginoon tayo ay magpuri
'Pagkat ating nakita
Ang dakilang pag-ibig ng Diyos.

[VERSE 1]
Nilikha N'yan ang sanlibutan
At ang buong kalikasan
Mabuti ang lahat ng ginawa
Pinagyaman at pinagpala.
Ang tao'y Kanyang nilalang
Kalarawa't kawangis Niya
At kahit hindi naging tapat
Ay Kanya pa ring minahal.

[VERSE 2]
Panaho'y nagkaroon ng kaganapan
Nang ang salita'y naging laman
Naparito at nakipamuhay
Sa mga dukha't makasalanan.
Ang buhay N'ya'y inialay
Nang sa krus ay mamatay
At S'ya'y muling nabuhay
Nang tayo'y mapag-isa sa Ama.

[VERSE 3]
Isinugo ng Panginoon
Ang kanyang Espiritung Banal
Upang sa ati'y ipaalala
Na S'ya'y kapiling sa t'wina.
S'ya sa atin ay gumagabay
Sa liwanag na binibigay
Pinag-iisa at pinagtitipon
Bilang bayan ng Panginoon.

[OUTRO]
Halina tayong lahat ay umawit
Sa Panginoon tayo ay magpuri
'Pagkat ating nakita
Ang dakilang pag-ibig ng Diyos.
Pagka't ating nakita
Ang dakilang, ang dakilang pag-ibig ng Diyos.

Heaven Rejoice for He is Risen (Delgado) Lyrics

 Heaven Rejoice for He is Risen

Verse 1:
Heaven rejoice for He is risen
Rise up our Savior is here
Glory to God proclaim His name
Jesus the Lord of all

Chorus:
Make a joyful noise
Salvation and peace He brings
Exult His name sing songs of praise
Singing alleluia

Heaven rejoice for He is risen
Rise up our Savior is here
Glory to God proclaim His name
Jesus the Lord of all

He is risen
Alleluia

Si Kristo'y Inihain Na Lyrics

Ferdinand "Ferdz" M. Bautista 

 Si Kristo'y inihain na
Pamaskong maamong tupa,
Magsalo tayong masaya,
Sa tinapay na pamista
Bago't wagas, Aleluya!

Purihin ang Panginoon 
sa kanyang kabutihan,
"Pag-ibig N'ya'y tunay 
laging tapat kailanman!"

Ang taga-Israel 
bayaang sabihi't kanilang ihayag,
"Pag-ibig N'ya'y tunay 
laging tapat kailanman!"

D'yos Ko Ang Aking Dalangin Lyrics

D'yos Ko Ang Aking Dalangin (Salmo 15) | Maestro Raymundo Cipriano Pujante Cayabyab
 

D'yos ko ang aking dalangin
Ako'y Iyong tangkilikin


Ikaw lamang Panginoon 
ang lahat sa aking buhay
Ako'y Iyong tinutugon
Sa lahat kong kailangan

Ang biyayang kaloob Mo
at kahanga-hangang tunay 
na babatid ko na ika'y
kasama oras-oras
sa piling Mo kailanma'y
Hindi ako matitinag

Kaya't ako'y nagdiriwang
Ang diwa ko'y nagagalak
Ang lagi kong nadarama'y 
hindi ako matitinag

Pagka't di Mo tutulutang
Ang mahal Mo ay malagak
sa balon ng mga patay
Upang doon ay maagnas

Ituturo Mo ang landas
na buhay ay mahantungan
sa piling Mo madarama
ang lubos  na kagalakan

Ang tulong Mo'y magdudulot
ng ligayang walang hanggan