Pananabik Lyrics

Mimo Perez
Elliot Eustacio

Panginoong Hesus, 
puso nami'y tigib ng pag-asa 
at tahimik na pananabik.
sa Iyong pagsilang
 sa aming piling, 
O Dakilang Mesiyas namin.  

Buhay naming nalilihis 
sa pagkukulang at pagmamalabis.
Akayin kami upang makabalik 
sa daan ng Iyong pagibig.  

Kapwa naming hinuhusgahan
o tinatanggihang damayan.
Imulat kami sa katotohanang 
sila ay Iyong kalarawan.  

Turuan kaming 
mamuhay nang payak, 
tuklasin ang bukal ng galak.
Biyaya Mo'y sapat 
para sa lahat 
dahil pag-ibig Mo ay tapat.  

Panginoong Hesus, 
puso nami'y tigib ng pag-asa 
at tahimik na pananabik.
sa Iyong pagsilang
 sa aming piling, 
O Dakilang Mesiyas namin.  
O Dakilang Mesiyas namin.