Batobalani ng Puso

Doon sa syudad ng Sugbo
Ang marilag mong larawan
Sa isang bahay natagpuan
Ng mga unang misyonero
Ang dakila mong pag-ibig
Nahayag sa kanilang dibdib (Repeat Koro)

Niluhuran ka't sinamba
Ng mga kaparian
Ng lahat ng mga tao
At mga pinunong bayan
At sa pagtitig sa Iyo
Ginawa Mo silang Kristiyano (Repeat Koro)

Ang simbahan ay itinayo
Ng maraming mga tao
Upang ang iyong larawan
May tahanang matuluyan
At isang dalangin nila
Na tulungan Mo sa tuwina (Repeat Koro)

Dalangin namin sa Iyo
Sa marilag mong larawan
Sa aming puso't isipan
Ay maging Iyong tahanan
Lahat ng pangangailangan
Ikaw ang aming takbuhan
Sa amin maawa ka sana
Na sa Iyo ay umaasa
Sa amin maawa ka sana
Na sa Iyo ay umaasa (Repeat Koro)

Koro:
Sa amin maawa ka sana
Na sa iyo ay umaasa
Sa amin maawa ka sana
Na sa iyo ay umaasa