PAGLALAKBAY, PAG-AAKAY, PAG-AALAY Lyrics

 PAGLALAKBAY, PAG-AAKAY, PAG-AALAY
Hubileyo ng Birhen ng Antipolo: ika-400 guning-taon ng Pagdating sa Pilipinas at ika-100 guning-taon ng Koronasyong Kanonikal

Titik: Sem. Danne Steven Q. Galve
Pag-aangkop: P. Ral Jaden C. Paguergan
Musika: Sem. Danne Steven Q. Galve
Areglo SATB: Noel Diño Espenida
Transkripsiyon: Ral Paguergan (San Carlos Seminary)

---

[KORO]
O Birhen ng Kapayapaan at Mabuting Paglalakbay!
Apat na siglong paglalakbay, pag-aakay ng aming Ina.
O Birhen ng Kapayapaan at Mabuting Paglalakbay!
Isang daang taong Koronada, pag-aalay sa aming Ina.

[TALATA 1]
O Reynang Kayumanggi, sa landas nami'y kumakandili,
Mula nang ika'y dumating ang pag-asa ay pinaigting.
Sa bawat hakbang ng aming buhay, ikaw ang Ina sa paglalakbay;
Sa unos, luha, at pagsubok, manalig ang iyong udyok.

(Ulitin ang Koro)

[TALATA 2]
O Reynang Mapaghimala, bayang Filipino ay pinagpala;
Sa paggabay mong wagas, sa Anak mo kami'y nilandas.
Sa bawat ganap ng aming buhay, sa pagmamahal kami'y inakay,
Sa katotohanan at liwanag, kami'y binuo't pinatag.

(Ulitin ang Koro)

[TALATA 3]
O Ina naming Koronada, sa isandaang taong pagkilala,
Sa awit at panalangin, pinipintakasi ka namin.
Ang samo namin ay kapayapaan, sa Simbahan at sa Bayan,
Sa bagong siglong tatahakin, kay Kristo kami ay dalhin.

[PANGWAKAS]
Ina... Pag-aalay sa aming Ina.